全部消息
2011-04-15
黃英豪 徐傳順 冼國林打造全球最貴黃大仙

香港資源(2882)同國藝娛樂文化集團有限公司(8228),前者令人諗起金廁所金馬車,後者就令人諗起詠春、冼國林,但不久將來,呢兩間公司將會令大家諗起黃大仙同地藏菩薩!善哉善哉!

50公斤金 申入健力士

消息人士同華華講,香港資源嘅老闆黃英豪、董事徐傳順,同埋國藝嘅老闆冼國林,將會捐錢喺佛山國藝嘅「西樵山國藝影視城」門口隔籬幅地,起一間黃大仙廟同一間地藏菩薩廟,兩間廟應該喺7月尾開幕,俾大家參拜。兩間廟最特別之處,係其中嘅黃大仙金身,將會用50公斤黃金打造,由金至尊一手包辦,而家仲申請緊入健力士世界紀錄大全!
點解會起廟供奉黃大仙同地藏菩薩?話說冼國林本身係篤信道教嘅,而黃大仙廟係一早喺當日佢將「西樵山國藝影視城」注入國藝嗰陣,寫明會起嘅;至於地藏菩薩廟,就係信徒徐傳順見幅地咁大用唔晒,於是捐錢起間地藏菩薩廟,宏揚「安忍不動,猶如大地」。黃英豪同徐傳順仲會出任呢兩間廟嘅管理委員會主席...

新聞來源:

蘋果日報