全部消息
2013-07-11
國藝做訪問 「葉問」企一旁

「葉問類」戲種已經拍得太多,但葉問一出,依然有收視。話說,國藝(8228)用5億幾,向主席冼國林收購埋西樵國藝影視城項目剩返一半股權交易,就吸引唔少傳媒,噚日去到國藝觀塘個總部,了解單刁詳情,仲睇唔少影城實景相?,都真係幾靚喎。

不過,睇相好多時又無實物咁吸引,所以大家入到訪問室時,反而畀公司放面《葉問前傳》造型模型吸引住,唔知係咪知道大家諗法,所以公關姐姐冼生坐定定後,都專登將個模型放冼生旁邊,一來等大家可以集中注意力聽管理層講解,二來影相時又可以影埋個模型,幫手電影宣傳,真係一舉兩得。

擬開國藝影視大學堂

講起一舉兩得,國藝自己晒成個影城股權後,聽講會開個國藝影視大學堂,第一期招收百幾人,幫影城培養人才,又有得收學費,而且仲可以為拍戲劇組提供群組演員,直頭一舉三得?呀!